Qariyb 74 mln so'mlik jarima: Namanganda noqonuniy chiqindi tashlaganlarga chora ko‘rilmoqda
2024-11-25 17:30:00 / Yangiliklar
Namangan viloyati Ekologiya, atrof-muhitni muhofaza qilish va iqlim oʻzgarishi boshqarmasi tomonidan ekologik huquqbuzarliklarning oldini olish maqsadida doimiy nazorat reyd tadbirlari olib borilmoqda.
Xususan, joriy yilning noyabr oyi boshidan hozirgi vaqtgacha viloyat bo'yicha shu paytga qadar belgilanmagan joylarga chiqindi tashlash bilan bog'liq 184 ta huquqbuzarlik aniqlandi. Huquqbuzarlarga nisbatan Ma'muriy javobgarlik to‘g‘risidagi kodeksning tegishli moddalari bilan ma'muriy bayonnoma rasmiylashtirilib, jami 73 mln 688 ming soʻm miqdorida jarima qoʻllanildi.
Ayni damda viloyat boshqarmasi tomonidan reyd tadbirlari davom ettirilmoqda.