“Qishda qushlarga koʻmak”: o‘quvchilar tomonidan 100 ta qush uyasi yasaldi
2024-11-22 09:00:00 / Yangiliklar
Tadbirda maktab oʻqituvchilari, eko-faol o‘quvchilar hamda ularning ota-onalari ishtirok etishdi. Maqsad o‘quvchilarda ekologik madaniyat va tabiatga mehr, jonivorlarga gʻamxoʻrlik koʻnikmalarini shakllantirish, ularning atrof-muhitni asrashga boʻlgan masʼuliyatini oshirish hamda aniq, tabiiy va amaliy fanlar boʻyicha bilimlarini qoʻllashga oʻrgatish, ijodiy qobiliyatlarini roʻyobga chiqarishdir.
Tadbir doirasida maktabning 1–7-sinf oʻquvchilari oʻrtasida chiqindilardan qush uyalarini yasash bo‘yicha ijodiy tanlov ham oʻtkazildi. Tanlov davomida bolalar tomonidan jami 100 ta quy uyasi yasaldi. Yakunda eng yaxshi ishtirokchilar munosib taqdirlandi. Bu aksiya eng ko‘p qush ini yasalgan aksiyaga aylandi.
Ma'lumot uchun, bu kabi aksiyalar Ekologiya vazirligi tomonidan doimiy o'tkazib kelinadi. Xususan, 3-fevral — Xalqaro qushlarni oziqlantirish kuniga bagʻishlab “Qishda qushlarga koʻmak” aksiyasi tashkil qilingan.