Chanqog‘ini qondirayotgan turkman qoraqulog‘i
2024-11-20 16:00:00 / Yangiliklar
Ekologiya, atrof-muhitni muhofaza qilish va iqlim o‘zgarishi vazirligiga qarashli “Oqtog’-Tomdi” davlat qo‘riqxonasi hududida o‘rnatilgan fotoqopqonga chanqog‘ini qondirayotgan turkman qoraqulog’i muhrlandi.
Ma‘lumot uchun: Navoiy viloyatining Tomdi tumani hududida 40 ming gektar maydonga ega “Oqtog‘-Tomdi” davlat qoʻriqxonasi 2022-yilda tashkil etilgan. Qo‘riqxonada sut emizuvchilarning 14 turi, qushlarning 21 turi va sudralib yuruvchilarning 6 turi yashaydi. Shulardan 13 turdagi hayvonlar O‘zbekiston Qizil kitobiga kiritilgan.
Turkman qoraqulog‘i yoʻqolib ketish arafasida turgan, mozaik jihatdan keng tarqalgan kichik tur maqomida Oʻzbekiston Qizil kitobiga va CITES I ilovasiga kiritilgan. Ustyurt platosida, Amudaryoning quyi oqimida, Qizilqum choʻlida hamda Surxondaryo va Zarafshon daryolariga tutash tekisliklarda uchraydi.