O‘zbekiston Respublikasi Ekologiya va iqlim o‘zgarishi milliy qo‘mitasi

Ma’lumot uchun, avvalroq Ekologiya vazirligi delegatsiyasining Koreya Respublikasiga tashrifi chog‘ida “K-eco” kompaniyasi bilan Jizzax viloyatida chiqindilarni qayta ishlash zavodi qurish bo‘yicha 6,2 million dollarlik grant shartnomasi imzolangan edi.

Yig‘ilishda 6,2 million dollarlik moliyalashtirilgan uchta asosiy loyiha – Maydontol, Dang‘ara va Sharof Rashidov poligonlari ko‘rib chiqildi. I.Qutbiddinov mazkur loyihalar amalga oshirish bosqichida ekanligini va O‘zbekistonning ekologik vaziyatni yaxshilash strategiyasida muhim o‘rin tutishini ta’kidladi. Shuningdek, atrof-muhitni muhofaza qilish sohasida, xususan, Maydontol va Dang‘ara poligonlarida issiqxona gazlari chiqindilarini kamaytirish bo‘yicha xalqaro loyihalar bilan bog‘liq ikki tomonlama hamkorlik imkoniyatlari muhokama qilindi.

Xorijiy delegatsiya "K-eco" turli ekologik loyihalarda faol qatnashayotganini alohida ta’kidladi. Ular orasida toza atmosferani yaratish, resurslarni qayta ishlash uchun barqaror jamiyat qurish, xavfsiz yashash muhitini yaratish va kelajak uchun institutsional salohiyatni mustahkamlash kiradi. Tashkilot ijtimoiy institut maqomiga ega bo‘lib, ekologik tashabbuslarda faol ishtirok etadi.

Muzokaralar chog‘ida tomonlar O‘zbekistondagi ekologik vaziyatni sezilarli darajada yaxshilashi mumkin bo‘lgan yangi texnologiyalarni joriy etish istiqbollarini muhokama qildilar. Xususan, asosiy e’tibor chiqindixonalar va chiqindilarni boshqarish tizimlari uchun innovatsion yechimlarni ishlab chiqishga qaratildi. Ushbu texnologiyalar atrof-muhitga salbiy ta'sirni kamaytiradi va mavjud tizimlarning samaradorligini oshiradi.

Yakunda o‘zbekistonlik mutaxassislarning atrof-muhitni muhofaza qilish sohasidagi zamonaviy uslub va yondashuvlar bilan yaqindan tanishishlari, yangi texnologiyalar va amaliyotlar bo‘yicha malaka oshirishlari uchun Koreyada treninglar tashkil etish bo‘yicha kelishuvga erishildi.