Ma'lumot uchun, "Orolqum" milliy tabiat bog'i 2022-yil 4-martda Qoraqalpog'iston Respublikasi Mo'ynoq tumanida tashkil qilingan bo‘lib, hayvonot dunyosining 25 turi uchraydi. Shundan 4 turi O'zbekiston Qizil kitobiga kiritilgan. Xususan, qironqora qushi ham zaif, qisqarib borayotgan tur sifatida O‘zbekiston Qizil kitobi, Xalqaro tabiatni muhofaza qilish ittifoqi (IUCN) Qizil ro‘yxati hamda CITESning I Ilovasiga kiritilgan. 

Qironqora qushi kamayib bormoqda. Dunyodagi populyatsiyasi 3,5 mingdan 15 minggacha ekani taxmin qilinadi. Bahorgi uchib o‘tishi fevral-aprel oyiga, yoshlarining ko'chib yurishi aprel-may oyiga to‘g‘ri keladi. Kuzda esa oktabr-dekabr oylarida uchib o‘tadi. Cho'l va yarim cho'l zonalarida qo'riq yerlarining o'zlashtirilishi, inlarining buzib tashlanishi natijasida kamayadi. Ko'pi elektr uzatish tizmalarida nobud bo'ladi.