Noqonuniy qum-shag’al qazigan huquqbuzar 11 mln so‘mdan ortiq jarimaga tortildi
2024-10-18 14:30:00 / Yangiliklar
Namangan viloyati Ekologiya, atrof-muhitni muhofaza qilish va iqlim o'zgarishi boshqarmasi tomonidan navbatdagi nazorat reyd tadbiri o'tkazildi.
Mazkur reyd davomida Namangan tumanida fuqaro Q.F. Sirdaryo o‘zanidan o‘zboshimchalik bilan noqonuniy qum-shag‘al qazib, yuk tashuvchi mashinalarga yuklab berayotgani aniqlandi.
Holat yuzasidan fuqaroga nisbatan O'zbekiston Respublikasi MJtKning 70-moddasi prim 1-qismiga muvofiq ma'muriy bayonnoma rasmiylashtirildi. Huquqbuzar bazaviy hisoblash miqdorining 30 baravari — 11 million 250 ming so'm miqdorida jarimaga tortildi.
Ma'lumot uchun, respublikamiz bo‘ylab noqonuniy qum-shag‘al qazib olishga qarshi reyd tadbirlari doimiy tarzda davom ettirilmoqda. Bu kabi huquqbuzarliklar qat'iy qonuniy javobgarlikka sabab bo‘ladi.