O‘z navbatida aniqlangan huquqbuzarliklar bo‘yicha qonunga rioya qilmagan fuqarolarga nisbatan tegishli choralar koʻrilmoqda. 

Xususan, bugungi kunga qadar olib borilgan nazorat tadbirlari natijasida Sirdaryo tumani Sholikor SIU hududida sholidan boʻshagan yerlarni yoqib yuborgan 23 ta fermer xoʻjaligiga nisbatan MJtKning tegishli moddalari bilan ma'muriy bayonnomalar rasmiylashtirildi. Ularga 25 mln 875 ming soʻm jarima tayinlandi. 

Huquqbuzarlarga tabiatga yetkazilgan zarar (19 million 190 ming soʻm) va jarima — jami 45 million 65 ming so‘m tovon to‘lash belgilandi.

Bugungi kunda Ekologiya vazirligi va vazirlikning hududiy boshqarmalari tomonidan xazon, shox-shabbalar, o‘simlik qoldiqlari va boshqalarni yoqishga qarshi doimiy reyd tadbirlari o‘tkazilmoqda. Bu borada qat'iy javobgarlik belgilangan va har qanday huquqbuzarlik qonunga ko‘ra javobgarlikka sabab bo‘ladi.