Özbekiston Respublikasi Ekologiya va iqlim özgarişi milliy qömitasi

Uchrashuvlarda tabiiy ekotizimlar va bixilma-xillikni asrash, noyob o‘simlik va hayvonot turlarini muhofaza qilish, huquqbuzarliklarning oldini olish hamda huquqni muhofaza qiluvchi organlar bilan hamkorlikni kuchaytirish masalalari muhokama qilindi. Shuningdek, xodimlarning xizmat intizomi va mas’uliyatini oshirish, O‘zbekiston Qizil kitobiga kiritilgan turlarni ilmiy o‘rganish, tadqiqotlar sifatini yaxshilash va ilmiy nashrlar tayyorlashga alohida e’tibor qaratildi.

Bundan tashqari, Lutfullo Fayziyev Piskom davlat milliy tabiat bog‘i direktori vazifasini vaqtincha bajaruvchi etib tayinlandi. Yangi rahbar zimmasiga tabiiy hududlarni ishonchli muhofaza qilish, nazorat ishlarini samarali tashkil etish va belgilangan vazifalar ijrosini ta’minlash yuklatildi.

Chotqol davlat biosfera qo‘riqxonasida esa tabiat muzeyi faoliyatini rivojlantirish, unga o‘quvchilar, talabalar va sayyohlarni jalb etish, ekologik madaniyatni yuksaltirish masalalariga ham to‘xtalib o‘tildi.

Mazkur tashriflar muhofaza etiladigan tabiiy hududlar faoliyatini takomillashtirish, ekologik nazoratni kuchaytirish va ilmiy tadqiqotlarni rivojlantirishga qaratilgani bilan ahamiyatlidir.