Özbekiston Respublikasi Ekologiya va iqlim özgarişi milliy qömitasi

Yig‘ilishda loyiha asosiy qoidalari, uning milliy ekologik qonunchilikni takomillashtirishdagi ahamiyati, shuningdek, atrof-muhitni muhofaza qilish sohasida yagona va tizimli huquqiy bazani shakllantirish masalalari ko‘rib chiqildi.

Shuningdek, atrof-muhit ifloslanishining oldini olish mexanizmlarini takomillashtirish, tabiiy resurslardan oqilona foydalanish, bioxilma-xillikni asrash hamda davlat ekologik nazorati samaradorligini oshirish masalalariga alohida e’tibor qaratildi.

Yig‘ilish ishtirokchilari loyiha mazmuni yuzasidan fikr almashib, zamonaviy ekologik muammolar va xalqaro yondashuvlarni hisobga olgan holda hujjatda nazarda tutilgan huquqiy mexanizmlarni takomillashtirishga qaratilgan takliflarni muhokama qildilar.

Yakunda Ekologik kodeks loyihasi ustida ishlashni davom ettirish va uni yanada takomillashtirish bo‘yicha kelgusidagi vazifalar belgilab olindi.

Ekologik kodeksning qabul qilinishi tabiatni muhofaza qilishga oid qonunchilikni yanada rivojlantirish, ekologik siyosat samaradorligini oshirish hamda mamlakat ekologik xavfsizligini ta’minlashning huquqiy asoslarini mustahkamlashga xizmat qiladi.