Soat 19:00 dan keyin havodagi PM zarrachalari miqdori oshib, shahar bo‘yicha ko‘rsatkich "nosog‘lom" darajaga yetdi. 8-oktabr kuni ertalab esa shaharning katta qismida havo sifati "o‘rtacha" darajaga qaytdi, ayrim hududlarda esa "sezgir guruhlar uchun noqulay" daraja saqlanib qoldi. Prognozga ko‘ra, tush paytigacha havo sifati, asosan "o‘rtacha" darajada bo‘lishi kutilmoqda.

Ma’lumot uchun, Sog‘liqni saqlash vazirligi hamda Ekologiya qo‘mitasining “Atmosfera havosi sifati ko‘rsatkichlarini milliy indeksatsiyasini tatbiq qilish va aholi salomatligiga ifloslangan havo ta’sirini kamaytirish bo‘yicha profilaktik chora-tadbirlarni joriy etish tartibi to‘g‘risida”gi qo‘shma qarori asosida O‘zbekistonda PM2,5 va PM10 zarrachalari bo‘yicha havo sifatini baholashning milliy indeksatsiya tizimi ishlab chiqilgan.

Hozirda atmosfera havosi sifati Maxsus komissiya tomonidan doimiy monitoring qilinmoqda.