O‘zbekiston Respublikasi Ekologiya va iqlim o‘zgarishi milliy qo‘mitasi

Suv resurslari cheklangan Ustyurt cho‘li sharoitida bunday manbalarning mavjudligi sayg‘oqlar va mahalliy faunaning boshqa vakillarini saqlab qolishda alohida ahamiyatga ega. Avtonom tizimlar quyosh energiyasida ishlaydi va to‘liq avtomatlashtirilgan. Ularning har biri 3 kub metr sig‘imga ega suv havzalari, nasoslar, datchiklar va hisoblagichlar bilan jihozlangan. Bu markazlashgan elektr energiyasi va suv ta’minoti manbalariga doimiy ulanish zaruratisiz suvning barqaror yetkazib berilishini ta’minlaydi.

Suv ichish tizimlari bilan bir qatorda hududga 10 ta kamera va 10 ta fotoqopqon ham o‘rnatildi. Ular hayvonlarni sutka davomida kuzatish, ularning harakatlanishini va suv ichish joylaridan foydalanishini qayd etish, shuningdek, populyatsiyalar holatini keyingi monitoring qilish uchun ma’lumot to‘plash imkonini beradi.

Ustyurtning og‘ir tabiiy sharoitida yashaydigan sayg‘oqlar uchun qo‘shimcha suv manbalarining yaratilishi, ayniqsa, muhim. Suvning mavjudligi nafaqat ayrim hayvonlarning holatiga, balki umuman yovvoyi turlar populyatsiyalarini saqlash va tiklash imkoniyatlariga ham ta’sir ko‘rsatadi.

Avtonom suv ichish tizimlarining o‘rnatilishi Ustyurtda bioxilma-xillikni asrash bo‘yicha amaliy qadamlardan biridir. Hayvonlar uchun zarur infratuzilmani zamonaviy kuzatuv vositalari bilan uyg‘unlashtirish ularning yashashi uchun sharoit yaratish bilan birga, tabiatni asrashni samarali monitoring qilish uchun zarur ma’lumotlarni olish imkonini ham beradi.