O‘zbekiston Respublikasi Ekologiya va iqlim o‘zgarishi milliy qo‘mitasi

Ta’kidlanganidek, so‘nggi yillarda ekologik xavfsizlikni ta’minlash, tabiiy resurslardan oqilona foydalanish, iqlim o‘zgarishi oqibatlarini yumshatish, barqaror rivojlanish maqsadlarini amalga oshirish davlat siyosatining ustuvor yo‘nalishlaridan biriga aylandi. Sohada belgilangan vazifalarni samarali bajarishda davlat organlari bilan bir qatorda fuqarolik jamiyati institutlari, mustaqil ekspertlar va keng jamoatchilikning faol ishtiroki muhim ahamiyatga ega ekani qayd etildi.

Muloqotda kelgusida ekologik qonunchilikni yanada takomillashtirish bo‘yicha ilmiy asoslangan takliflar ishlab chiqish, qonun loyihalarini tayyorlash va maromiga yetkazish uchun qo‘shma ishchi guruhlar faoliyatini yo‘lga qo‘yish, parlament eshituvlari, davra suhbatlari, jamoatchilik muhokamalari hamda hududlarga o‘rganish ishlarini amalga oshirishda o‘zaro hamkorlikni rivojlantirish yuzasidan tavsiyalar berildi.

Uchrashuv ishtirokchilari ekologik sohada jamoatchilik nazoratining mexanizmlarini takomillashtirish, fuqarolar, nodavlat notijorat tashkilotlari, olimlar hamda soha ekspertlarining taklif va tashabbuslarini parlament faoliyati bilan uyg‘unlashtirish dolzarb ahamiyatga ega ekanini ta’kidladilar.

Tomonlar kelgusida ekologik qonunchilikni takomillashtirishga qaratilgan takliflarni birgalikda ishlab chiqish, qonun loyihalarining sifati va samaradorligini oshirish, sohadagi dolzarb muammolar yuzasidan ekspertlik xulosalarini tayyorlash hamda qonunlarning joylardagi ijrosini jamoatchilik ishtirokida muntazam o‘rganish bo‘yicha hamkorlikni yanada faollashtirish hamda tajriba almashishga kelishib oldilar.

Uchrashuv yakunida mazkur hamkorlik parlament va fuqarolik jamiyati institutlari o‘rtasidagi konstruktiv muloqotni mustahkamlashi, qabul qilinayotgan qonunlarning sifati yanada oshishiga, mamlakatda ekologik xavfsizlikni ta’minlash hamda barqaror rivojlanish maqsadlariga erishishga xizmat qilishi ta’kidlandi.