Özbekiston Respublikasi Ekologiya va iqlim özgarişi milliy qömitasi

Mazkur tadbirlarning asosiy maqsadi hududlarda sanitariya-tozalash ishlarini yanada kuchaytirish, chiqindilarni boshqarish tizimini yanada takomillashtirish hamda aholining ekologik madaniyatini yuksaltirishdan iborat.

Tasdiqlangan reja asosida O'zbekiston Respublikasi Ekologiya va iqlim o'zgarishi milliy qo'mitasi huzuridagi Chiqindilarni boshqarish va sirkulyar iqtisodiyotni rivojlantirish agentligi, uning viloyatlar va Toshkent shahar hududiy boshqarmalari, shuningdek, "Chiqindi poligonlarini boshqarish direksiyasi" davlat muassasasi tomonidan keng ko'lamli amaliy tadbirlar tashkil etilmoqda.

Ekologik tadbirlarni samarali muvofiqlashtirish maqsadida Agentlik, hududiy boshqarmalar hamda tizimdagi tashkilotlarda maxsus shtablar tashkil etildi. Shuningdek, har bir hududiy boshqarmaga mas'ul xodimlar biriktirilib, navbatchilik tizimi hamda tadbirlarning bajarilishi ustidan kunlik monitoring yo'lga qo'yildi.

Ma'lumot uchun: mazkur tadbirlar O'zbekiston Respublikasi Prezidentining 2026-yil 1-apreldagi PQ-120-son qarori ijrosini ta'minlash maqsadida o'tkazilmoqda.

Belgilangan tartibga muvofiq, amalga oshirilayotgan ishlar to'g'risidagi ma'lumotlar har kuni Agentlikka taqdim etilib, respublika miqyosida umumlashtiriladi. Bu esa aksiyaning borishini doimiy nazorat qilish hamda mamlakatning barcha hududlarida sanitariya-tozalash tadbirlarini o'z vaqtida muvofiqlashtirish imkonini beradi.

O'zbekiston Respublikasi Ekologiya va iqlim o'zgarishi milliy qo'mitasi barcha davlat organlari, korxona va tashkilotlar, tadbirkorlik subyektlari hamda mamlakatimiz fuqarolarini "Dolzarb 40 kun" tadbirlarida faol ishtirok etishga, aholi punktlarini obodonlashtirish, ozodaligini ta'minlash va atrof-muhitni asrashga o'z hissasini qo'shishga chorlaydi. Faqatgina birgalikdagi sa'y-harakatlar bilan yurtimizni yanada toza, yashil va yashash uchun qulay maskanga aylantirishimiz mumkin.