Özbekiston Respublikasi Ekologiya va iqlim özgarişi milliy qömitasi

Yangiyo‘l tumani «Baytish» MFY hududida olib borilgan reyd davomida hududdan oqib o‘tuvchi «Chirchiq» daryosining muhofaza mintaqasidan bir guruh shaxslar tomonidan maxsus texnikalar (1 dona ekskavator va yuk mashinasi) yordamida noqonuniy ravishda, o‘zboshimchalik bilan qum-shag‘al aralashmasi qazib olinib, texnikalar yordamida hududdan olib chiqib ketilayotganligi aniqlandi.

Bundan tashqari, Quyi Chirchiq tumani «Mevazor» MFY hududida o‘tkazilgan reyd davomida hududdan oqib o‘tuvchi «Chirchiq» daryosi o‘zanidan bir guruh shaxslar tomonidan maxsus texnikalar (1 dona ekskavator va yuk mashinasi) yordamida noqonuniy ravishda, o‘zboshimchalik bilan qum-shag‘al aralashmasi qazib olinib, texnikalar yordamida hududga yaqin masofada joylashgan tosh maydalash korxonasiga tashib ketilayotganligi aniqlandi.
Transport vositalari tosh maydalash faoliyati bilan shug‘ullanuvchi «F.M.» MChJga tegishli ekanligi ma’lum bo‘ldi.
 

Har ikki holatda ham «Tabiatni muhofaza qilish to‘g‘risida»gi qonunning 18-moddasi, «Yer qa’ri to‘g‘risida»gi qonunning 31-moddasi va «Muhofaza etiladigan tabiiy hududlar to‘g‘risida»gi qonunning 41-moddasi talablari qo‘pol ravishda buzilgan hamda tabiatga katta miqdorda zarar yetkazilgan.

Huquqbuzarliklar yuzasidan texnika vositalari vaqtinchalik jarima maydoniga joylashtirilib, tegishli hujjatlar holatga huquqiy baho berish uchun Bosh prokuraturaga yuborildi.