O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi

Hashar Ekologiya, atrof-muhitni muhofaza qilish va iqlim o‘zgarishi vazirligi, Qurilish va uy-joy kommunal xo‘jaligi vazirligi, O’zbekiston mahallalari uyushmasi, “Mahalla” xayriya jamoat fondi, O’zbekiston faxriylarining ijtimoiy faoliyatini qo‘llab-quvvatlash “Nuroniy” jamg‘armasi, Kasaba uyushmalari Federatsiyasi, Yoshlar ishlari agentligi, mahalliy ijro etuvchi hokimiyat organlari hamda jamoatchilik vakillarining tashabbusi bilan amalga oshiriladi.

Maqsad O’zbekiston Respublikasi Vazirlar Mahkamasining 2024-yil 19-avgustdagi 534-F-son farmoyishi ijrosini ta’minlash, Davlatimiz mustaqilligining 33 yillik bayramini nishonlashga munosib tayyorgarlik ko‘rish, obodonlashtirish tadbirlarini amalga oshirishdir. 

Hashar davomida mahallalar, aholi
turar joylari, xiyobonlar, ziyoratgohlar, qabristonlar, bolalar maydonchalari  va boshqa hududlar obodonlashtiriladi, daraxtlar oqlanib, parvarishlanadi. Shuningdek, aholi orasida tozalik, sog‘lom turmush tarzi hamda sanitariya-gigiyenik madaniyat targ‘ib qilinadi.

Bundan tashqari, ijtimoiy himoyaga muhtoj aholi qatlamlari, ayniqsa ehtiyojmand, mehr-muruvvatga muhtoj, boquvchisiz qolgan keksa va nogironligi bo’lgan fuqarolarning sharoitlarini yaxshilashga alohida e’tibor qaratiladi.

Hurmatli yurtdoshlar! Ekologiya vazirligi barchangizni umumxalq xayriya hasharida faol ishtirok etishga chaqiradi!