"Avtomobilsiz kun": Ekologiya qo‘mitasi xodimlari jamoat va "yashil" transport vositalaridan foydalanishdi
2026-07-10 17:15:00 / Yangiliklar
Ma'lumot uchun, O‘zbekiston Respublikasi Prezidentining 2026-yil 25-martdagi “Atmosfera havosi sifatini yaxshilashga qaratilgan “Toza havo” umummilliy loyihasini amalga oshirish chora-tadbirlari to‘g‘risida”gi Farmoniga muvofiq, har oyning 10 va 25-sanalarida “Avtomobilsiz kun” hamda “Avtomobilsiz hafta” aksiyalari o‘tkazib kelinmoqda.
Ushbu aksiyalar avtotransport vositalaridan atmosferaga chiqariladigan zararli tashlamalarni kamaytirishga, havo sifatini yaxshilashga, shuningdek, jamoat transporti va ekologik toza transport vositalaridan foydalanish madaniyatini keng targ‘ib qilishga qaratilgan.
Ekologiya qo‘mitasi barcha davlat va nodavlat tashkilotlar hamda yurtdoshlarimizni aksiyalarda faol qatnashib, atmosferaga zararli tashlamalar chiqarmaydigan "yashil" transport vositalari, elektromobillar va jamoat transportidan ko‘proq foydalanishga chaqiradi.