O‘zbekiston Respublikasi Ekologiya va iqlim o‘zgarishi milliy qo‘mitasi

Xususan, hududiy bosh boshqarmalar tomonidan bug‘doydan bo‘shagan dalalarni yoqmaslik maqsadida 7 760 ta fermer xo‘jaliklariga ogohlantirish xatlari tarqatilgan.

Ekopolitsiyaning hududiy organlari tomonidan nazorat tadbirlari olib borilgan va “O‘zbekkosmos” agentligi tomonidan kosmik suratlarni qayta ishlash va tahlil qilish orqali 744 ta bug‘doydan bo‘shagan yer maydonlarida yonish holatlari kelib tushgan. Holatlar bo‘yicha davlat inspektorlari tomonidan joyiga chiqqan holda o‘rganish o‘tkazilib, 172 nafar huquqbuzarga 212,5 mln so‘m miqdorida ma’muriy jarimalar qo‘llanilib, 652,3 mln so‘m tabiatga yetkazilgan zarar hisoblangan.

Bundan tashqari, dala va aholi punktlarida ang‘iz, xazon va shox-shabbalarni yoki o‘simliklarning boshqa qoldiqlarini yoqib yuborish, shuningdek, qurilish chiqindilarini yoqish bilan bog‘liq holatlarning oldini olish bo‘yicha olib borilgan nazorat tadbirlari davomida joriy yilning bugungi kun holatiga 9 821 ta huquqbuzarlik holati aniqlanib, tegishli tartibda bayonnomalar rasmiylashtirilgan.

Ekologiya milliy qo‘mitasi fuqarolar va fermer xo‘jaliklaridan g‘alladan bo‘shagan yer maydonlarida somonpoyalarni yoqishning oldini olish choralarini ko‘rish va bunday holatlarga yo‘l qo‘ymaslikni so‘raydi.

Unutmang! Atrof-muhitga zarar yetkazadigan har qanday huquqbuzarlik keskin javobgarlikka sabab bo‘ladi.