O‘zbekiston Respublikasi Ekologiya va iqlim o‘zgarishi milliy qo‘mitasi

Iqlim kengashi iqlim o‘zgarishi oqibatlarini yumshatish va unga moslashish bo‘yicha O‘zbekiston Respublikasi Prezidenti huzuridagi eng yuqori maslahat organi hisoblanadi. 

Farmonga ko‘ra, quyidagilar Iqlim kengashining asosiy vazifalari etib belgilandi:

— iqlim o‘zgarishi oqibatlarini yumshatish va unga moslashish bo‘yicha milliy strategiyani hamda ushbu yo‘nalishda yagona davlat siyosatini shakllantirish;

— vazirlik va idoralarning iqlim o‘zgarishi oqibatlarini yumshatish va unga moslashish bo‘yicha yagona davlat siyosatini amalga oshirish ishlarini muvofiqlashtirish;

— BMTning Iqlim o‘zgarishi to‘g‘risidagi doiraviy konvensiyasi va Parij bitimidan kelib chiqadigan O‘zbekiston Respublikasi majburiyatlari bajarilishi monitoringini yuritish;

— iqlim o‘zgarishi oqibatlarini yumshatish va unga moslashish bo‘yicha tashqi siyosatni amalga oshirishning yillik ustuvor yo‘nalishlarini belgilash;

— iqlim o‘zgarishi oqibatlarini yumshatish va unga moslashish masalalarida normativ-huquqiy hujjatlar bazasini takomillashtirish;

— "yashil" texnologiyalar, ilmiy izlanishlar va innovatsiyalarni o‘z ichiga olgan iqlim o‘zgarishi oqibatlarini yumshatish va unga moslashishga yo‘naltirilgan loyihalarni qo‘llab-quvvatlash uchun resurslar bilan ta'minlash va moliyalashtirishga, shu jumladan, investitsiyalar jalb qilishga ko‘maklashish. 

Shuningdek, Farmonga asosan Ekologiya vazirligi huzuridagi davlat muassasasi shaklidagi Yashil transformatsiya va iqlim o‘zgarishiga moslashish milliy markazi Iqlim o‘zgarishi milliy markazi deb qayta nomlandi.  

Qolaversa, Ilmiy va akademik salohiyatni oshirish hamda fundamental tadqiqotlarni rivojlantirish maqsadida Markaziy Osiyo atrof-muhit va iqlim oʻzgarishini oʻrganish universitetida (Green University) Iqlim ilmiy forumi (Iqlim rezidensiyasi) tashkil etiladi.