O‘zbekiston Respublikasi Ekologiya va iqlim o‘zgarishi milliy qo‘mitasi

Suratga olish ishlari Ekologiya, atrof-muhitni muhofaza qilish va iqlim o‘zgarishi vazirligi tomonidan Turizm qo‘mitasi va "TV Asahi" bilan hamkorlikda joriy yilning aprel oyida tashkil etilgan.

Sayyohlik ko‘rsatuvi teleboshlovchisi O‘zbekistonning Yaponiyadagi turizm elchisi etib tayinlangan taniqli yapon aktyori va qo‘shiqchisi Keysuke Minami bo‘ldi. Tashrif doirasida u Toshkent, Samarqand, Buxoro, Xiva va Farg‘ona viloyatining diqqatga sazovor joylarini borib ko‘rdi.

Maʼlumot uchun, Keysuke Minami yaponiyalik aktyor va qoʻshiqchi boʻlib, “Tennis shahzodasi” musiqiy serialidagi Kunimitsu Tezuka, "Blood-C" serialidagi Fumito Nanahara va boshqa loyihalardagi rollari bilan tanilgan.

Keysuke Minami dasturning har bir sonida o‘zbek xalqining boy tarixi, madaniyati va mehmondo‘stligiga alohida to‘xtalib o‘tdi. U o‘z taassurotlari va yangi maskanlar haqidagi kashfiyotlari bilan o‘rtoqlashar ekan, O‘zbekiston noyob madaniy merosga va ko‘plab turizm imkoniyatlariga ega mamlakat ekanini ta’kidladi.

Bu tashabbus mamlakatga yapon sayyohlarini yanada ko‘proq jalb etishi, O‘zbekiston va Yaponiya o‘rtasidagi madaniy aloqalarni mustahkamlashi kutilmoqda.