Unda vazirlik va idoralar, Qoraqalpog’iston Respublikasi Vazirlar Kengashi, viloyatlar va Toshkent shahar hokimliklari, hududiy Ekologiya va Turizm boshqarmalari mas’ul xodimlari ishtirok etdi. 

Ma'lumot uchun, qurultoy 8–13-avgust kunlari Qashqadaryo viloyati, Shahrisabz tumanidagi “Lochin” oromgohida Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, Turizm qoʻmitasi, Qashqadaryo viloyati hokimligi hamda bir qator vazirlik va idoralar hamkorligida o‘tkaziladi. 

Qurultoydan maqsad yoshlarning ekologiya va ijtimoiy-iqtisodiy sohalardagi faolligini oshirish, ularni turizm sohasiga keng jalb etish, yoshlarning ekologiya va turizm sohasidagi istiqbolli gʻoyalari hamda loyihalarini amalga oshirish bo‘lib, 1000ga yaqin oʻzbekistonlik va xorijiy yoshlarni oʻz atrofida birlashtiradi.

Qurultoy doirasida har kuni bir qator tanlov, musobaqa, taqdimot, uchrashuv, aksiya va loyihalar tashkil etiladi. Shu bilan bir qatorda, kitobxonlik kuni, milliy va etnosport turlari boʻyicha sport musobaqalari hamda madaniy-koʻngilochar tadbirlar, yoshlar uchun biznesni tashkil qilish, hunarmandchilik mahsulotlarini tayyorlash boʻyicha davra suhbatlari, yoshlar bilan taniqli teatr va kino ijodkorlarining ijodiy muloqotlari, “Yosh ekologlar” harakati va Yosh turizm elchilari Kengashiga saylovlar oʻtkaziladi.