O‘zbekiston Respublikasi Ekologiya va iqlim o‘zgarishi milliy qo‘mitasi

Tadbirda mintaqa davlatlari hukumatlari va xalqaro tashkilotlar vakillari ishtirok etdi. Uchrashuvning asosiy maqsadi ortib borayotgan iqlimiy xatarlar sharoitida mintaqaviy muloqot va hamkorlikni mustahkamlashdan iborat bo‘ldi.

Ishtirokchilar iqlim o‘zgarishi, suv resurslarini boshqarish, ifloslanishga qarshi kurash va bioxilma-xillikni saqlash kabi asosiy ekologik muammolarni muhokama qildilar. Shuningdek, milliy tajriba almashish, kelishilgan yondashuvlarni ishlab chiqish va OHIChKning ekologik yo‘nalishi doirasida muvofiqlashtirishni kuchaytirishga alohida e’tibor qaratildi.

O‘zbekiston nomidan O‘zbekiston Respublikasi Ekologiya va iqlim o‘zgarishi milliy qo‘mitasi huzuridagi Iqlim o‘zgarishi milliy markazi direktori Farrux Sattarov so‘zga chiqdi. U iqlim o‘zgarishi mamlakat iqtisodiyoti va ijtimoiy sohasiga allaqachon to‘g‘ridan-to‘g‘ri ta’sir ko‘rsatayotganini ta’kidladi. MMBH 3.0'dagi ma’lumotlariga ko‘ra, O‘zbekiston harorat oshishi va yerlarning degradatsiyasi kabi iqlimiy xatarlar kuchayishiga duch kelmoqda.

Javob chorasi sifatida mamlakat o‘z majburiyatlarini kuchaytirdi, jumladan, 2035-yilga borib 2010-yil darajasiga nisbatan YAIMning uglerod sig‘imini 50 foizga kamaytirish maqsadi qo‘yilgan. Buning uchun katta miqdordagi resurslar — chiqindilarni kamaytirish uchun taxminan 33,7 mlrd dollar va moslashish uchun 15,7 mlrd dollar talab etiladi.

Asosiy ustuvor yo‘nalishlar sifatida qayta tiklanuvchi energetikani rivojlantirish, ekotizimlarni tiklash va iqlim siyosatini iqtisodiy rivojlanishga integratsiya qilish belgilandi. Xususan, 2030-yilga kelib “yashil” energiya ulushini 54 foizga yetkazish rejalashtirilgan.

Shuningdek, Parij kelishuvi maqsadlariga erishish uchun jahon miqyosidagi sa’y-harakatlar hozircha yetarli emasligi, bu esa COP29 natijalarida ham tasdiqlangani qayd etildi. Shu munosabat bilan, jumladan, OHIChK doirasida mintaqaviy hamkorlikni yanada kuchaytirish muhimligi ta’kidlandi.

Uchrashuvda O‘zbekiston iqlim bo‘yicha sa’y-harakatlarni yanada kengaytirish va mintaqada amaliy hamkorlikni rivojlantirishga tayyor ekanini tasdiqladi.