Har ikki holat Qashqadaryo viloyati Ekologiya va iqlim o’zgarishi bosh boshqarmasi inspektorlari (Ekopolitsiya) tomonidan o’rganildi. O’rganish natijasida birinchi holatda tabiatga 6 million 592 ming so’m zarar yetkazilganligi hisoblandi. Shuningdek, ikki nafar huquqbuzar A.J. va G. B. ga nisbatan MJtKning 79-moddasi 1-qismi bilan ma’muriy bayonnoma rasmiylashtirilib, bazaviy hisoblash miqdorining 25 baravaridan (10 million 300 mingdan), jami 20 million 600 ming jarima belgilandi.

Ikkinchi holatda ham tabiatga 6 million 592 ming so’m zarar yetkazilganligi ma’lum bo’ldi. Huquqbuzar M.R.ga nisbatan esa MJtKning 79-moddasi 1-qismi bilan ma’muriy bayonnoma rasmiylashtirilib, BHMning 50 baravari (20 million 600 ming so’m) jarima tayinlandi.

Ikki holatda huquqbuzarlar jami 54 million 384 ming so’m to’laydigan bo’ldi.

Ma’lumot uchun, avvalroq Qashqadaryo viloyati Ko’kdala tumanida lolazorni payxon qilganlarga chora ko’rilgan edi. 

Ta’kidlash joizki, dunyoda taxminan 100 ga yaqin lola turi mavjud bo‘lib, ularning qariyb 75 tasi aynan Markaziy Osiyoda uchraydi. O‘zbekiston bu noyob mintaqada alohida o‘rin tutadi: uning hududida 34 turdagi yovvoyi lolalar o‘sadi va ularning aksariyati O‘zbekiston Respublikasi Qizil kitobiga kiritilgan. Bundan tashqari, besh tur faqat O‘zbekistonda uchraydi va dunyoning boshqa joylarida mavjud emas.

Yovvoyi lolalar — bu shunchaki gullar emas, balki O‘zbekiston tarixining bir qismidir. Bu genetik boylik va Markaziy Osiyo tabiatining ramzi, uning faxri va mas’uliyatidir. Eng muhimi  — kelajak avlod uchun asrab-avaylashimiz zarur bo‘lgan merosdir.