O‘zbekiston Respublikasi Ekologiya va iqlim o‘zgarishi milliy qo‘mitasi

Oromgoh doirasida xalqaro ekspertlar bilan birgalikda BMTning Iqlim o‘zgarishi to‘g‘risidagi hadli konvensiyasi (COP29) tomonlarining 29-konferensiyasiga tayyorgarlik doirasida ko‘plab tadbirlar o‘tkazildi. Shuningdek, ishtirokchilar tomonidan Markaziy Osiyo ekologik oromgohida ishlab chiqilgan "Barqaror rivojlanish madaniyatini ilgari surish hamda bolalar va yoshlarni iqlim kun tartibiga jalb etish bo‘yicha mintaqaviy strategiya" yo‘l xaritasi uchun takliflar tayyorlandi va kengaytirildi.

Qolaversa, oromgoh ishtirokchilari Samarqand viloyatidagi Zarafshon milliy tabiat bog‘iga tashrif buyurishdi. Yoshlar ekotizimlarni saqlab qolish uchun antropogen, ya'ni insoniyatning salbiy ta'sirini kamaytirish lozimligini ta'kidlashdi. Bundan tashqari, mahalliy va xorijlik ekofaollar Markaziy Osiyo atrof-muhit va iqlim o‘zgarishini o‘rganish universiteti ("Green university") faoliyati bilan ham yaqindan tanishishdi.

Xalqaro yoshlar ekologik oromgohida quyidagi natijalarga erishildi: 

— "Young Climate Champions" xalqaro volontyorlar tarmog‘i ishga tushirildi; 
— ekologik madaniyatni targ‘ib qilish bo‘yicha xalqaro platforma ta’sis etildi; 
— transchegaraviy hududlarda yovvoyi hayvonlarning ko‘chib yuruvchi turlari uchun milliy tabiat bog‘lari va qo‘riqxonalarni yaratish va muhofaza qilish tashabbusi ilgari surildi.

Ma'lumot uchun, 2023-yilning 1–5-oktabr kunlari Samarqandda COP 28 – Iqlim o‘zgarishi bo‘yicha konvensiya ishtirokchilari konferensiyasi munosabati bilan Markaziy Osiyo yoshlar ekologik oromgohi tashkil etilgan. (https://t.me/ecogovuz/43816) Unda O‘zbekiston, Qozog‘iston, Qirg‘iziston, Tojikiston, Turkmaniston eko-faollari ishtirok etib, barqaror rivojlanish madaniyatiga e'tibor qaratilgan, bolalar va yoshlarni iqlim kun tartibiga jalb qilish bo‘yicha Markaziy Osiyo strategiyasi ishlab chiqilgan hamda ekologik muammolarni hal etish bo‘yicha qator tashabbuslar ilgari surilgan.