Tadbirda “Oʻzbekiston – 2030” strategiyasining ahamiyati, unda ilgari surilgan ustuvor vazifalarga e'tibor qaratildi. 2024-yilga moʻljallangan Davlat dasturida taraqqiyotga xizmat qiladigan maqsad va vazifalar belgilab berilganligi ta'kidlandi. Shuningdek, “Oʻzbekiston – 2030” strategiyasi – xalq strategiyasi Onlayn portali taqdimotiga oid videorolik namoyish etildi.
 
Ta'kidlash joizki, "O‘zbekiston – 2030" strategiyasi har bir insonga o‘z salohiyatini ro‘yobga chiqarish uchun munosib sharoit yaratish, barqaror iqtisodiy o‘sish orqali aholi farovonligini ta'minlash, suv resurslarini tejash va atrof-muhitni muhofaza qilish, qonun ustuvorligini ta'minlash, xalq xizmatidagi davlat boshqaruvini tashkil etish, "Xavfsiz va tinchliksevar davlat" tamoyiliga asoslangan siyosatni izchil davom ettirish kabi ustuvor yo‘nalishlarni qamrab olgan. 
 
2024-yilga mo‘ljallangan “O‘zbekiston – 2030” strategiyasini “Yoshlar va biznesni qo‘llab-quvvatlash yili”da amalga oshirishga oid davlat dasturi sog‘liqni saqlash, yoshlar siyosati va sport, madaniyat va ma'rifat sohalarini rivojlantirish, xotin-qizlarni qo‘llab-quvvatlash, makroiqtisodiy barqarorlikni ta'minlash, transport tizimi salohiyatini oshirish va boshqa sohalar taraqqiyotiga xizmat qiladi.