O‘zbekiston Respublikasi Ekologiya va iqlim o‘zgarishi milliy qo‘mitasi

Reyd davomida “Olmaliq kon-metallurgiya kombinati” AJ faoliyati o’rganilganda mazkur korxona tomonidan bir qator ekologik talablar buzilganligi qayd etildi.

Ma’lum bo’lishicha, korxona tomonidan ishlab chiqarish jarayonida hosil bo’lgan xavfli toifaga kiruvchi chiqindilar noqonuniy tarzda ochiq maydonlarda saqlanayotganligi, saqlash jarayonida esa yer va yerosti suvlariga salbiy ta’sir ko’rsatayotganligi aniqlandi.

Shuningdek, Toshkent viloyati Angren shahrida joylashgan kon boshqarmasi tomonidan ishlab chiqarish jarayonida hosil bo’lgan oqova suvni tozalash inshootida samarali tozalash belgilangan bo’lsa-da, tozalash uskunalari eskirganligi, tozalash samaradorligi pastligi sababli ushbu oqova suvlar chiqindiga aylanib, Angren daryosiga oqizilganligi ma’lum bo’ldi.

Mazkur qonunbuzarlik yuzasidan korxonaga nisbatan 48 milliard so’m qo’shimcha kompensatsiya belgilandi. Shuningdek, 20 banddan iborat bajarilishi majburiy bo’lgan ko’rsatmalar berildi.