O‘zbekiston Respublikasi Ekologiya va iqlim o‘zgarishi milliy qo‘mitasi

Tadbirda O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi nomidan Atrof-muhit va tabiatni muhofaza qilish texnologiyalari ilmiy-tadqiqot instituti direktori Baxtiyor Po‘latov va "Green University" rektori Jasur Salixov ishtirok etdi.

Ma’lumot uchun: “CLIENT II – Barqaror innovatsiyalar uchun xalqaro hamkorlik” moliyaviy tashabbusi doirasida Federal Ta’lim va tadqiqot vazirligi (Germaniya Ta’lim va fan vazirligi) tanlangan rivojlanayotgan mamlakatlar bilan talabga asoslangan ilmiy hamkorlikni rivojlantiradi.

2017-yildan buyon CLIENT II Markaziy Osiyo va Mo‘g‘uliston davlatlari bilan iqlim, atrof-muhit va energetika sohalari uchun hamkor mamlakatlardagi muayyan muammolarni yengib o‘tishga yordam beradigan yechimlarni ishlab chiqish uchun 15 ta qo‘shma loyihani boshladi.

Anjumanda loyihaning 8 yil davomidagi faoliyatiga oid umumiy ma’lumotlar hamda uning doirasida shahar suv resurslarini barqaror boshqarish, Markaziy Osiyo uchun ekoplatforma, Markaziy Osiyoda barqaror qishloq xo‘jaligi uchun mintaqaviy platforma  yaratish va boshqa loyihalar taqdim etildi.