Samarqandda tabiatga 37 million so‘mdan ortiq zarar hisoblandi
2026-03-18 15:00:00 / Yangiliklar
Reyd davomida huquqbuzarlar B.P., S.U. va K.E. tomonidan ekskavator hamda yuk tashuvchi texnika vositalari yordamida Qoradaryo daryosi o‘zanidan hech bir ruxsatnomasiz qum-shag‘al aralashmasi noqonuniy qazib olinayotganligi ma’lum bo‘ldi. Natijada tabiatga 37 million 200 ming so‘m zarar yetkazilgan.
Holat yuzasidan texnika vositalari vaqtincha saqlash uchun jarima maydonchasiga joylashtirildi. Huquqbuzarlarga nisbatan belgilangan tartibda hujjatlar rasmiylashtirildi va jami 28 million 840 ming so‘m miqdorida jarima tayinlandi. To‘plangan materiallar qonuniy chora ko‘rish uchun huquqni muhofaza qilish organlariga yuborilmoqda.
Ma'lumot uchun, avvalroq Toyloq tumani hududidan oqib o‘tuvchi ''Darg'om'' kanalidan noqonuniy ravishda qum-shag'al aralashmasi qazib olinayotganligi aniqlangan edi.