O‘zbekiston Respublikasi Ekologiya va iqlim o‘zgarishi milliy qo‘mitasi

Tanlovda jamoalar 4 shart bo‘yicha bellashdi. “Bu bizning hudud” shartida jamoalar o‘z hududlarining ekologik holati, ekomadaniyati, piknik madaniyatlari, hudud ekologiyasini yaxshilashga doir amalga oshirilayotgan ishlar, yoshlarning ekologiyaga bo‘lgan munosabatini ochib berishdi. “Intellektual ring” shartida ishtirokchilar ekologik, ijtimoiy, siyosiy-huquqiy yo'nalishlardagi l0 ta savolga javob berishdi.  

Shuningdek, “Ekologiya uchun barchamiz mas’ulmiz!” shartida jamoalar respublikamiz ekologiyasini asrab-avaylashga qaratilgan, yoshlar orasida ekomadaniyatni targ‘ib qilishni ko‘zda tutgan, plogging, iqlim o‘zgarishlari, daraxt ekish hamda suv muammolari bo‘yicha loyihaning mazmun-mohiyatini ochib beradigan ibratli sahna ko‘rinishlarini taqdim etishdi. “Eng yaxshi ekologik loyiha” shartida esa jamoalar respublika miqyosida ekologiya sohasini rivojlantirish, yosh ekologlar sonini ko‘paytirishga erishish, ekologiya yo'nalishidagi investitsiyalarni jalb qilish, ekologiya salohiyatini kengaytirish bo‘yicha o‘z taklif va loyihalarini namoyish etishdi.

Yakunda Qoraqalpog‘iston Respublikasi jamoasi 1-o‘rinni, Toshkent viloyati 2-o‘rinni, Jizzax viloyati esa 3-o‘rinni qo‘lga kiritdi. 

Ta'kidlash joizki, tanlov ishtirokchilari uchun Markaziy Osiyo atrof-muhit va iqlim o‘zgarishini o‘rganish universiteti ("Green University")da mahorat darslari o‘tkazildi, yoshlarning ekologik huquq borasidagi bilimlari yanada mustahkamlandi. Bundan tashqari, o‘quvchilar umumxalq xayriya hashari doirasida daraxt ko‘chatlari o‘tqazishdi.

Tanlovning kasbiy ta’lim muassasalari jamoalari o‘rtasidagi final bosqichi 25-28-mart kunlari Buxoro viloyatida bo’lib o’tadi.

Ma'lumot uchun, ko’rik-tanlov jamiyatda yoshlarning ekologiyaga oid huquqiy ongi va huquqiy madaniyatini yuksaltirib borish, qonun ustuvorligini ta’minlash va qonuniylikni mustahkamlash, shuningdek, yoshlarni O‘zbekiston Respublikasi Konstitutsiyasi va boshqa qonun hujjatlariga hurmat ruhida tarbiyalash, milliy huquq tizimiga hurmat munosabatini shakllantirish, yoshlarning huquqiy tarbiyasiga salbiy ta’sir ko‘rsatuvchi omillariga nisbatan huquqiy immunitetini shakllantirish, qonun buzilishi holatlariga murosasizlik hissini uyg‘otishga xizmat qiladi.