Toshkentda “ArTepa” san’at galereyasi va noyob asarlar ko’rgazmasi ochiladi
2026-03-13 15:15:00 / Yangiliklar
14-mart kuni soat 14:00da Ekologiya va iqlim o‘zgarishi milliy qo‘mitasi Markaziy Osiyo atrof-muhit va iqlim o‘zgarishini o‘rganish universiteti (“Green University”) qoshidagi Astronomiya bog‘ida “ArTepa” san’at galereyasining ochilish marosimi hamda ushbu tadbir doirasida “Dilorom Mamedovaning 100 noyob asari” nomli ko‘rgazma tashkil etiladi.
Ko‘rgazmadan yurtimizning noyob va betakror tabiati, boy tabiiy va madaniy merosi hamda boshqa muhim jihatlarni o’zida aks ettirgan, o’ziga xos detallarga boy 100 dona noyob asar o’rin olgan.
Ko‘rgazma doirasida 100 ta asarni o‘zida mujassamlagan katalog chop ettirildi. Ushbu katalog barcha ixlosmandlar uchun nafaqat estetik zavq manbai, balki xalqimizning boy madaniy merosining yorqin ifodasidir.
Ko‘rgazma 2 oy davom etadi.