“FOLUR – O‘zbekiston” loyihasini amalga oshirishning oraliq natijalari taqdim etildi
2026-03-12 16:05:00 / Yangiliklar
Tadbirda O‘zbekiston Respublikasi Ekologiya va iqlim o‘zgarishi milliy qo‘mitasi raisi o‘rinbosari Jusipbek Kazbekov, O‘zbekiston Respublikasi Qishloq xo‘jaligi vazirining xalqaro hamkorlik masalalari bo‘yicha maslahatchisi Nuriddin Qo‘shnazarov, FAOning O‘zbekistondagi vakili o‘rinbosari Sherzod Umarov, shuningdek, loyiha hamkor tashkilotlari — Tabiatni muhofaza qilish xalqaro ittifoqi (IUCN) hamda Qurg'oqchil mintaqalar bo'yicha qishloq xo'jaligi tadqiqotlari xalqaro markazi (ICARDA) vakillari ishtirok etdilar.
Ta'kidlash joizki, loyiha doirasida qishloq xo‘jaligiga innovatsion texnologiyalar joriy etilmoqda. Tomorqa yer egalari va fermer xo‘jaliklariga tomchilatib va yomg‘irlatib sug‘orish tizimlari, bioo‘g‘itlar hamda qishloq xo‘jaligi ekinlarining qariyb 60 tonna urug‘lari yetkazib berildi. Bundan tashqari, qo‘shimcha ravishda 320 tonna urug‘ tayyorlanib, fermerlarga tarqatildi.
Shuningdek, Qashqadaryo viloyatining Shahrisabz tumanida suv tanqisligi sharoitida qishloq xo‘jaligi uchun qo‘shimcha suv manbasini yaratish va bahor-yoz mavsumida yerlarni sug‘orishni ta’minlash maqsadida “Ice Stupa” sun’iy muzlik texnologiyasi joriy etildi.
Uchrashuv yakunida xalqaro tadbirlar, mintaqaviy seminar va treninglar bo‘yicha axborot almashildi hamda loyihani amalga oshirishning keyingi ustuvor vazifalari belgilab olindi.