O‘zbekiston Respublikasi Ekologiya va iqlim o‘zgarishi milliy qo‘mitasi

Ma'lumot uchun, Toshkent viloyati Ekologiya va iqlim oʻzgarishi bosh boshqarmasi xodimlari tomonidan tungi reyd davomida Tuyaboʼgʼiz suv ombori hududida elektr toki yordamida 22 dona baliq noqonuniy tarzda ovlanganligini aniqlagan edi. Natijada tabiatga 165 million soʼm miqdorida zarar yetkazilganligi ma'lum bo‘lgan va hujjatlar tegishli tashkilotlarga yuborilgan. 

Holat Jinoyat ishlari boʻyicha Oʻrta Chirchiq tuman sudida koʻrib chiqildi. Sud tomonidan noqonuniy baliq ovi yuzasidan ikki nafar huquqbuzar Oʻzbekiston Respublikasi Jinoyat kodeksining 202-moddasi 4-qismiga asosan aybli deb topilib, Sh. S. 3 yil 9 oy, Sh. S. esa 4 yil muddatga ozodlikdan mahrum etildi. Shuningdek, yetkazilgan zarar undirilishi belgilandi.

Ma'lumot uchun, 11-martdan 31-maygacha Amudaryo va Sirdaryoda, 26-apreldan 10-iyungacha Qoraqalpog‘iston Respublikasi va Xorazm viloyatidagi tabiiy suv havzalarida baliq ovlashga taqiq qo‘yildi. Shuningdek, boshqa barcha tabiiy suv havzalarida 16-apreldan 31-maygacha baliq ovlash taqiqlandi.  

Ekologiya va iqlim o‘zgarishi milliy qo‘mitasi Davlat ekologik nazorat inspeksiyasi hamda hududiy boshqarmalar tomonidan noqonuniy baliq ovlashga qarshi reyd tadbirlari tunu kun davom ettirilmoqda. Taqiqlangan davrda baliq ovlash qonunga ko‘ra qat'iy javobgarlikka sabab bo‘ladi.