O‘zbekiston Respublikasi Ekologiya va iqlim o‘zgarishi milliy qo‘mitasi

Forum BMT Taraqqiyot Dasturining “Iqlim o‘zgarishi va barqarorlik” mintaqaviy loyihasining “2018-2028-yillarda suv barqaror rivojlanish uchun” Xalqaro harakatlar o‘n yilligi bo‘yicha yuqori darajadagi 3-xalqaro konferensiyasi doirasida tashkil etildi.

Markaziy Osiyo hukumatlari va xalqaro tashkilotlar vakillari ishtirok etgan ushbu tadbir barchani bir maqsad yo'lida birlashtirishdi. Tadbir davomida BMTning suv bo'yicha konferensiyasi kun tartibida ilgari surilgan majburiyatlarni amalga oshirishni qo'llab-quvvatlash, shuningdek, yangi sheriklik munosabatlarini rag'batlantirish va 2030-yilgacha mo'jallangan Barqaror rivojlanishga erishish maqsadlaridan kelib chiqib,  harakatlarni jadallashtirish lozimligi qayd etildi.

Tadbir doirasida Milliy tashkiliy va Xalqaro maslahat qo‘mitalari tomonidan “Suv iqlim, barqarorlik va atrof-muhit uchun”, “Suv bo'yicha transchegaraviy va xalqaro  hamkorlik” va "O‘n yillik maqsadlari ijrosini jadallashtirish" kabi mavzularda yalpi majlislar va interaktiv muloqotlar tashkil etildi. 

Forumda Oʻzbekiston delegatsiyasi suv tejovchi va energiya tejamkor texnologiyalarni joriy etish, qayta tiklanuvchi energiya manbalarini ko'paytirish, ekologik toza transportni rivojlantirish va yashil hududlarni kengaytirish orqali Yangi Oʻzbekistonning “yashil oʻsish” tamoyillarining integratsiyalashuvi haqida taqdimot qildi. 

Forum yakuni bo'yicha delegatsiya rahbarlari O'zbekiston, Qozog'iston, Tojikiston, Qirg'iziston va Turkmaniston davlatlari hududlarida iqlim oʻzgarishlari oqibatlariga qarshi tayyorgarlikni oshirish boʻyicha qoʻshma harakatlarni jadallashtirish, amaldagi va yangi strategiyalar, dasturlar va rejalarni tizimli amalga oshirish uchun institutsional asoslarni mustahkamlash, investitsiyalarni koʻpaytirish uchun qulay muhitni yaxshilash,  “Iqlim o‘zgarishi va barqarorlik” loyihasining yangi bosqichini ishlab chiqish, shuningdek, Markaziy Osiyoning beshta davlatida ushbu loyiha faoliyatini kengaytirishni hisobga olgan holda, suv resurslari va iqlim o‘zgarishi sohasidagi ilmiy tadqiqotlarni yanada kengaytirish va soddalashtirish bo'yicha kelishib oldilar.