Onlayn kameralar orqali chiqindi tashlash bilan bog‘liq huquqbuzarliklar aniqlanmoqda
2026-02-16 16:50:00 / Yangiliklar
Xususan, Namangan viloyati Namangan shahri "Lola" MFYda fuqaro R.X., Yangi Namangan tumani, Guliston MFYda fuqaro M.N hamda Namangan shahrida fuqaro A.A. tomonidan noqonuniy joyga chiqindi tashlanganligi ma'lum bo‘ldi.
Shuningdek, Sirdaryo viloyati Shirin shahrida fuqaro X.J., Guliston shahri Shodlik MFYda esa O.M. hamda Toshkent viloyati Yangiyo‘l shahri Fayzobod MFYda fuqaro M.N va Q.X. tomonidan chiqindilar belgilanmagan joylarga tashlanganligi ma'lum bo‘ldi.
Yuqoridagi holatlar yuzasidan huquqbuzarlarga nisbatan Ma'muriy javobgarlik to‘g‘risidagi Kodeksning tegishli moddalari bilan bayonnomalar rasmiylashtirildi hamda tegishli choralar ko‘rildi.
Ma'lumot uchun, Ekologiya qo‘mitasida Situatsion markaz faoliyati yo‘lga qo‘yilgan bo‘lib, bu yerda respublikaning barcha hududlaridagi onlayn kuzatuv kameralari tunu kun nazorat qilib borilmoqda. Aniqlangan holatlar eko-inspektorlar tomonidan tezkor o‘rganilmoqda hamda tegishli choralar ko‘rilib, huquqbuzarliklar bartaraf etilmoqda.