Ekologiya vazirligida atrof-muhitni muhofaza qilish sohasida xizmat ko‘rsatgan xodimlar taqdirlandi
2024-06-06 11:35:00 / Yangiliklar
Tadbirda mukofotlarni Ekologiya vaziri Aziz Abduhakimov o'z egalariga topshirdi.
"Bugun shuni alohida ta'kidlash joizki, biz tabiat oldidagi burchimizni unutmasligimiz, uni asrab-avaylashimiz va kelajak avlodlarga eng yaxshi holatda yetkazishimiz kerak. Shu bois mamlakatimizda aholining, ayniqsa, yoshlarning ekologik madaniyatini yuksaltirishga alohida e’tibor qaratilmoqda. Shuningdek, jamoatchilik nazoratini kuchaytirish va yuqori malakali kadrlar tayyorlash bo‘yicha ishlarni izchil davom ettiramiz", – dedi A.Abduhakimov. "Ushbu muhim kunda men Yangi Oʻzbekiston taraqqiyoti va butun xalq farovonligi yoʻlida fidokorona mehnat qilayotgan ekologlar, inspektorlar, gidrometeorologlar va oʻrmonchilar, gʻayratli olimlar va soha mutaxassislariga oʻz minnatdorchiligimni bildiraman," deb qo'shimcha qildi Vazir.
Tadbirda Ekologiya vazirligi va uning hududiy boshqarmalari, Ichki ishlar, Sog‘liqni saqlash, Favqulodda vaziyatlar, Adliya, Iqtisodiyot va moliya vazirliklari, Milliy gvardiya, O‘rmon xo‘jaligi va Gidrometeorologiya xizmati agentliklari, Orolbo‘yi xalqaro innovatsiya markazi, sanitariya tozalash ishlarini tashkil etish Respublika markazi, muhofaza etiladigan tabiiy hududlar, xalqaro tashkilotlar, oliy ta’lim muassasalari va atrof-muhitni muhofaza qilishga bevosita daxldor bo'lgan boshqa tashkilotlarning jami 200 nafar xodimlari ko‘krak nishonlari bilan taqdirlandi.