“Buyuk ajdodlarimiz — Alisher Navoiy va Zahiriddin Muhammad Bobur qoldirgan adabiy va ma’naviy meros nafaqat o‘z davri, balki bugungi ilm-fan va jamiyat taraqqiyoti uchun ham mustahkam ma’naviy tayanchdir. Ularning asarlarida mujassam bo‘lgan vatanparvarlik, tabiatga, atrof-muhitga g‘amxo‘rlik g‘oyalari yosh avlodni komil inson etib tarbiyalashda beqiyos ahamiyat kasb etadi”, — dedi  institut direktori, texnika fanlari doktori, professor Shuhrat Murodov.

O‘zbek bolalar shoiri, O‘zbekiston Yozuvchilar uyushmasi Bolalar va o‘smirlar adabiyoti kengashi a’zosi Dilshod Rajab esa Navoiy va Bobur ijodi millat ruhining ko‘zgusi, xalq tafakkurining eng yuksak ifodasi ekanligini qayd etdi. 

Tadbirda Navoiy va Bobur siymosi orqali o‘zbek mumtoz adabiyoti, milliy tafakkur va ma’naviy merosimizning bebaho qadriyatlari keng yoritildi. Buyuk ajdodlarimiz ijodida mujassam vatanparvarlik, insonparvarlik va ma’rifat g‘oyalari yosh avlod ongiga chuqur singdirildi.

Tadbir davomida adabiy‑ma’rifiy chiqishlar, qisqa videolavhalar, g‘azal va ruboiylar taqdim etildi.