Koʻp kvartirali uylar atrofida yashil hududlarni tashkil etishga alohida e'tibor qaratiladi
2026-02-12 17:45:00 / Yangiliklar
Bu haqda Oʻzbekiston Respublikasi Prezidentining "Koʻp kvartirali uylarni boshqarish tizimini yanada takomillashtirish boʻyicha qoʻshimcha chora-tadbirlar toʻgʻrisida"gi 48-sonli qarorida belgilab qo‘yilgan.
Qarorga ko‘ra, koʻp kvartirali uylar atrofida ekologiyani yaxshilash va yashil hududlarni tashkil etishga alohida e'tibor qaratiladi. Xususan, koʻp kvartirali uylarning tutash hududidagi barcha daraxt va butalar boshqaruvchilar tomonidan xatlovdan oʻtkazilib, maʼlumotlar “Mening uyim” axborot billing tizimida aks ettirib boriladi.
Bundan tashqari, qarorda raqamlashtirish va hisob-kitoblarning shaffofligini taʼminlash, koʻp kvartirali uylar infratuzilmasini munosib tarzda saqlash, koʻp kvartirali uylarni boshqarish sohasida davlat boshqaruvini takomillashtirish chora-tadbirlari amalga oshiriladi.