O‘zbekiston Respublikasi Ekologiya va iqlim o‘zgarishi milliy qo‘mitasi

Qonunda ekologik vaziyatni nazorat qilish, aholining salomatligini yaxshilash, tabiiy resurslarni tejash va oqilona foydalanish, ekologik barqarorlikni taʼminlash bilan bir qatorda davlat ekologiya nazorati tizimini takomillashtirish hamda ushbu sohadagi huquqbuzarliklarning oldini olish choralari nazarda tutilgan.

Ma'lumot uchun, O‘zbekiston Respublikasi Prezidentining 2025-yil 18-noyabrdagi 217-son Farmoniga  ko‘ra, 2026-yil 1-apreldan boshlab ekologiya, atrof-muhitni muhofaza qilish va tabiatdan foydalanish sohasidagi qonunchilikni buzgan yuridik shaxslarga moliyaviy sanksiyalar joriy etiladi. 

Sanksiyalar daryo o‘zanlarini tozalashga va qirg‘oqlarini mustahkamlashga doir ishlarni amalga oshirish tartibini buzish, suv resurslarini muhofaza qilish qoidalarini buzish, daraxtlar va butalarni g‘ayriqonuniy ravishda kesish, atmosferani ifloslantirish, chiqindilar bilan bog‘liq huquqbuzarliklarda faqat yuridik shaxslarga nisbatan qo‘llaniladi.

Mazkur qonun bilan yuridik shaxslarga nisbatan yuqori miqdordagi jazolarni qo'llash ekologik huquqbuzarliklarni samarali jilovlashga xizmat qiladi. Qonun biznes yoki iqtisodiyotga qarshi emas, tabiatni "qurbon" qilish orqali faoliyat ko‘rsatayotgan va huquqbuzarliklar sodir etayotgan yuridik shaxslarga mo‘ljallangan.