Tuproq va qum-shag‘al qazib olish bilan bog‘liq huquqbuzarliklar aniqlandi
2026-02-06 15:00:00 / Yangiliklar
Reyd davomida Chinozda yashovchi fuqaro tomonidan "KamAZ" rusumli transport vositasida "Muhofaza etiladigan tabiiy hududlar to'g'risida"gi qonun talablariga zid ravishda belgilanmagan joydan tuproq qazib olinayotganligi aniqlandi.
Holat yuzasidan huquqbuzarga nisbatan Ma'muriy javobgarlik to‘g‘risidagi Kodeksning 82-moddasi 1-qismi bilan ma'muriy bayonnoma rasmiylashtirilib, bazaviy hisoblash miqdorining 10 barobari miqdorida jarima qo‘llanildi.
Shuningdek, Toshkent viloyati Ekologiya va iqlim o‘zgarishi bosh boshqarmasi tomonidan ham navbatdagi reyd tadbirlari olib borildi. Reyd davomida Yuqori Chirchiq tumani "Nurafshon" MFY hududida fuqaro N.O. tomonidan qum-shag‘al aralashmasi noqonuniy qazib olinayotganligi ma'lum bo‘ldi.
Holat yuzasidan huquqbuzarga nisbatan MJtKning 70-moddasi 1-qismi bilan ma'muriy bayonnoma rasmiylashtirilib, tabiatga 38 million 913 ming 990 so‘m zarar yetkazilganligi aniqlandi. Holatga huquqiy baho berish va tegishli chora ko‘rish maqsadida hujjatlar Jinoyat ishlari bo‘yicha Yuqori Chirchiq tumani sudiga yuborildi.
Reyd tadbirlari davom ettirilmoqda.