Samarqandda qum-shag'al aralashmasi noqonuniy qazib olinayotganligi aniqlandi
2026-02-09 14:35:00 / Yangiliklar
Samarqand viloyati Ekologiya va iqlim o‘zgarishi bosh boshqarmasi hamda Toyloq tumani IIB bilan hamkorlikda navbatdagi reyd tadbiri o‘tkazildi.
Reyd davomida Toyloq tumani "Go'lba" MFYda yashovchi fuqaro F. J. tomonidan tuman hududidan oqib o'tuvchi ''Darg'om'' kanalidan "Volvo" rusumli ekskavator hamda "KamAZ" yuk mashinasida noqonuniy ravishda qum-shag'al aralashmasi qazib olinayotganligi aniqlandi.
Holat yuzasidan fuqaroga nisbatan Ma'muriy javobgarlik to‘g‘risidagi Kodeksning tegishli moddasi bilan jarima hamda 158 million 100 ming (bir yuz ellik sakkiz million yuz ming) so'm tabiiy obyektlarga yetkazilgan zarar hisob-kitob qilindi.
Transport vositalari esa vaqtincha jarima maydoniga joylashtirildi.