O‘zbekiston Respublikasi Ekologiya va iqlim o‘zgarishi milliy qo‘mitasi

Mazkur loyiha O‘zbekiston Respublikasi Prezidentining qayta tiklanuvchi energiyani rivojlantirish bo‘yicha qarorlariga mos ravishda amalga oshirilmoqda. Loyiha mamlakatda qayta tiklanuvchi energiya manbalarini rivojlantirish, energiya ta’minoti barqarorligini oshirish va ekologik muvozanatni mustahkamlash yo‘lidagi yirik tashabbuslardan biridir. Unga ko‘ra, stansiya ikki bosqichda amalga oshiriladi va bir nechta muhim infratuzilma obyektlarini o‘z ichiga oladi.

Muhokama davomida loyiha texnik tafsilotlari jamoatchilikka taqdim etildi. Xususan, birinchi bosqichda 100 MVt quvvatga ega BESS energiya saqlash tizimi, 14 ta shamol generatori, 14 km va 48 km uzunlikdagi ikkita elektr uzatish liniyasi qurilishi rejalashtirilgan. Ikkinchi bosqichda esa 123 MVt quvvatli quyosh elektr stansiyasi, 220 MVt quvvatga ega 28 ta shamol generatori barpo etilishi ko‘zda tutilgan.

Eshituv davomida “Voltalia” gibrid elektr stansiyasi nafaqat energiya ishlab chiqarish quvvatini oshirishi, balki, uglerod chiqindilarini kamaytirishi, ekologik xavfsizlikni mustahkamlashi, hudud iqtisodiy rivojiga xizmat qilishi va yangi ish o‘rinlari yaratilishi alohida ta'kidlandi. Yakunda savol-javoblar o‘tkazilib, ekologik xulosalar va ehtimoliy ta’sirlar yuzasidan fikr-mulohazalar bildirildi.