O‘zbekiston Respublikasi Ekologiya va iqlim o‘zgarishi milliy qo‘mitasi

Tizim mamlakatda bosqichma-bosqich joriy etiladi: 2025–2027-yillarda Toshkent shahrida (birinchi bosqich), 2028–2030-yillarda Nukus shahri va viloyat markazlarida, 2031–2034-yillarda esa barcha hududlarda.

Eko-stikerni olish uchun qo‘llanma:

1. My.gov.uz portaliga yoki mobil ilovasiga kiring.
2. Qidiruvga “Ekologik stiker” deb yozing yoki “Transport” bo‘limidan
“Avtotransport vositasiga ekologik stiker olish” xizmatini tanlang.
3. Arizani tasdiqlang va transport vositasining texnik hujjatlarini yuklang.

Eko-stiker mutlaqo bepul bo‘lib, 10 kun ichida va muddatsiz davrga beriladi.

Ekologik toifalar qanday ajratiladi?

A) Benzin / siqilgan gaz / suyultirilgan gaz
— Yevro-2 va yuqori → toza
— Yevro-0 yoki Yevro-1 → o‘rta

B) Dizel
— Yevro-4 va yuqori → toza
— Yevro-3 → o‘rta
— Yevro-0 / Yevro-1 / Yevro-2 → zararli

C) Gibrid / muqobil yoqilg‘i (CNG/LPGdan tashqari) + 3 yildan oshmagan avtomobil
— avtomatik toza.

Eko-stikerlar transport vositalaridan atmosferaga chiqadigan tashlamalarni kamaytirishga xizmat qiladi. Natijada havo sifati yaxshilanadi, ekologik barqarorlik va aholi salomatligi borasida ijobiy natijalarga erishiladi.