O‘zbekiston Respublikasi Ekologiya va iqlim o‘zgarishi milliy qo‘mitasi

Loyiha Prezident Murojaatnomasida belgilangan ustuvor yo‘nalishlar bo‘yicha islohotlar dasturlari hamda “O‘zbekiston – 2030” strategiyasining 2026-yilga mo‘ljallangan Davlat dasturini qamrab oladi.

Hujjatda asosiy islohotlarning maqsadli ko‘rsatkichlari, amaliy chora-tadbirlar, normativ-huquqiy hujjatlar hamda ijro nazorati mexanizmlari belgilangan. Shuningdek, ekologik muvozanatni ta’minlash va suvdan oqilona foydalanishni tashkil etish bo‘yicha islohotlarning asosiy yo‘nalishlari belgilandi. 

Xususan, atmosferaga zararli moddalar chiqarilishining oldini olish, 2026/2027-o‘quv yilidan boshlab dual ta’lim tizimi asosida har bir hududda “yashil” texnikumlar tashkil etish, ekspluatatsiya muddati o‘tgan avtomobillarni utilizatsiya qilish va ularning komponentlarini qayta ishlash amaliyotini yo‘lga qo‘yish, suvni tejovchi texnologiyalarni joriy qilish orqali 2,6 mlrd metr kub suv tejalishini ta’minlash va boshqa muhim maqsadlar qamrab olindi.

Loyiha uzbekistan2030.uz va regulation.gov.uz platformalarida 2026-yil 23-yanvar – 1-fevral kunlari jamoatchilik muhokamasi uchun e’lon qilindi va aholi hamda ekspertlarning takliflari asosida takomillashtiriladi.

Jamoatchilik muhokamasida faol ishtirok etib, takliflaringizni uzbekistan2030.uz platformasi orqali bildiring!