O‘zbekiston Respublikasi Ekologiya va iqlim o‘zgarishi milliy qo‘mitasi

Qish fasli va mintaqamizning iqlim sharoitlarini inobatga olgan holda, bunday ko‘rsatkichlar nisbatan qulay hisoblanadi. Ayniqsa, yanvar oyiga xos bo‘lgan harorat inversiyasi va mavsumiy tashlamalat hajmining oshishini hisobga olsak, bu holat ijobiy baholanadi.

Shuni alohida ta’kidlash kerakki, IQAir xalqaro platformasi aholi orasida keng qo‘llaniladi, biroq u havo sifati bo‘yicha to‘liq tasavvur bermaydi va O‘zbekiston Respublikasining milliy me’yorlarini hisobga olmaydi. Odatda, IQAir ma’lumotlari turli sensorlarga asoslanadi, xalqaro o‘rtacha indekslardan foydalanadi va ko‘rsatkichlarni mintaqaviy sharoitlarni inobatga olmagan holda talqin qilishi mumkin.

Quyidagi platformalar esa sertifikatlangan avtomatik stansiyalardan olingan, tasdiqlangan metodikalar asosida ishlaydigan va havo sifatining respublika talablariga real mosligini aks ettiruvchi ishonchli ma’lumotlarni taqdim etadi:

– Gidrometeorologiya xizmati saytlari — monitoring.meteo.uz, data.meteo.uz; – Toshkent shahridagi monitoring stansiyalari portali — air.tashkent.uz.

Aynan ushbu platformalar tasdiqlangan metodikalar asosida ishlovchi sertifikatlangan avtomatik stansiyalardan real ma’lumotlarni taqdim etadi va atmosfera havosining respublika talablari darajasiga muvofiqligini ko‘rsatadi.

Atmosfera havosining sifati — bu bir martalik ko‘rsatkich emas, balki ob-havo, fasl, transport harakati va har birimizning xatti-harakatlarimizga bog‘liq bo‘lgan dinamik jarayondir. Axborot manbalarini to‘g‘ri tushunish, rasmiy ma’lumotlarga ishonish va atrof-muhitga mas’uliyat bilan munosabatda bo‘lish — ekologik barqaror shahar va xavfsiz yashash muhiti sari muhim qadamdir.