O‘zbekiston Respublikasi Ekologiya va iqlim o‘zgarishi milliy qo‘mitasi

Sanksiyalar quyidagi huquqbuzarliklarga nisbatan qo‘llaniladi:

— Daryo o‘zanlarini tozalashga va qirg‘oqlarini mustahkamlashga doir ishlarni amalga oshirish tartibini buzish;
— Suv resurslarini muhofaza qilish qoidalarini buzish;
— Daraxtlar va butalarni g‘ayriqonuniy ravishda kesish, yo‘q qilish va ularni muhofaza qilish choralarini ko‘rmaslik;
— Ifloslantiruvchi moddalarni atmosfera havosiga chiqarib tashlash yoki atmosfera havosidan belgilangan talablarni buzgan holda foydalanish;
— Qurilish maydonlarida atmosfera havosini muhofaza qilish talablariga rioya etmaslik;
— Yoqilg‘i, moddalar, material va chiqindilarni yoqishda atmosfera havosini muhofaza qilish talablariga rioya etmaslik;
— Chiqindilar bilan muomalada bo‘lishda atrof-muhitni muhofaza qilish talablariga rioya etmaslik.

Shuningdek, Farmonga ko‘ra, moliyaviy sanksiyalar pul undirish (jarimalar) tarzida faqat yuridik shaxslarga qo‘llanadi, bir xil huquqbuzarlik uchun moliyaviy sanksiyalar qo‘llangan yuridik shaxslarning xodimlariga ma’muriy jazo chorasini qo‘llashga yo‘l qo‘yilmaydi. 

Diqqat! 

Huquqbuzarlikning takroran sodir etilishiga yo‘l qo‘ymaslik haqida ogohlantirish olish hamda jarimani to‘lash ekologiya, atrof-muhitni muhofaza qilish va tabiatdan foydalanish sohasidagi qonunchilikning buzilishiga yo‘l qo‘ygan shaxsni Ekologiya qo‘mitasining qarorini (taqdimnomasini, ko‘rsatmasini) bajarish yoki qonunchilikda nazarda tutilgan boshqa harakatlarni amalga oshirish majburiyatidan ozod etmaydi.

Ekologiya va iqlim o‘zgarishi milliy qo‘mitasi yuridik shaxslarni atrof-muhitni muhofaza qilishga, bu borada belgilangan talablarni bajarishga, ekologik huquqbuzarlikka yo‘l qo‘ymaslikka chaqiradi.