Qo‘riqlanayotgan noyob tur: Jizzax viloyatidagi katta tuvaloqlar
2026-01-06 15:30:00 / Yangiliklar
O‘zbekistonda katta tuvaloqni saqlab qolish bo‘yicha amalga oshirilayotgan dastur doirasida Qushlarni muhofaza qilish jamiyati rahbari Oleg Kashkarov boshchiligida ushbu turning soni va unga tahdid soluvchi omillarni aniqlash maqsadida haftalik monitoring ishlari olib borilmoqda. Bunda nafaqat tabiiy yashash muhitidagi kuzatuvlar, balki Jizzax viloyati maktablarida uchrashuv va mashg‘ulotlar, shuningdek, ovchilar ishtirokida jamoatchilik eshituvlari olib borilmoqda. Ushbu chora-tadbirlar noqonuniy ov holatlarining oldini olish va yovvoyi tabiatning betakror hamda noyob vakillariga nisbatan ehtiyotkor munosabatni shakllantirishga qaratilgan.
Bioxilma-xillikni saqlash — barchamizning umumiy mas’uliyatimiz. Bugun tabiatga ehtiyotkorona munosabatda bo‘lish — ertaga noyob turlarning kelajagini ta’minlash demakdir.