O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi

Uchrashuvda O’zbekistondagi milliy tabiat bog’larida Italiya tajribasi asosida fauna muzeyini o’z ichiga olgan “Tashrif markazlari”ni tashkil etish masalasiga asosiy e’tibor qaratildi.

Ma’lumot uchun, “Abruzzo” milliy tabiat bog’i “Tashrif markazi”ga yiliga 2 mln nafar sayyoh tashrif buyuradi.

Uchrashuv davomida yurtimizdagi I toifaga mansub 7 ta qo’riqxona va II toifadagi 1 ta biosfera rezervatidagi O’zbekiston “Qizil kitobi”ga kiritilgan yo’q bo’lib ketish arafasida turgan 184 turdagi hayvonlarning DNKsini o’rganish maqsadida Italiya tajribasi asosida 8 ta DNK tahlili laboratoritasi barpo etish masalasi ham muhokama qilindi. 

Yakunda Italiya tajribasi asosidagi “Tashrif markazi”ning qisqa va o’rta muddatlarga mo’ljallangan konsepsiyasini ishlab chiqish, maqsad va vazifalarni belgilash, xorijlik mutaxassislarni jalb etish orqali faoliyatni yo’lga qo’yish va milliy tabiat bog’larini o’zini o’zi moliyaviy ta’minlashga qaratilgan memorandum imzolandi. 

Qolaversa, yurtimizda tashkil etilayotgan laboratoriyalarga “Abruzzo” milliy tabiat bog’i mutaxassislarini jalb qilishga kelishib olindi.