O‘zbekiston Respublikasi Ekologiya va iqlim o‘zgarishi milliy qo‘mitasi

Muzokaralar chog‘ida elektr energiyasi va tabiiy gaz iste’molini minimallashtirish uchun geotermal energiyadan foydalanish salohiyati, shuningdek, uzoq muddatli istiqbolda energiya iste’molining yangi modeliga o‘tishga chidamliligi qayd etildi.

Mavzuning dolzarbligini inobatga olgan holda, Oʻzbekiston tomoni IFC yetakchi ekspertlari bilan birgalikda Yangi Toshkentni energiya bilan taʼminlash loyihasini oʻrganishni taklif qildi.

Shu bilan birga, respublikada qulay muhit yaratish maqsadida chet el tomoniga atrof-muhitga birinchi va ikkinchi toifadagi sanoat korxonalarini subsidiyalash uchun “yashil” moliyalashtirish imkoniyatlarini ko‘rib chiqish ilgari surildi.

Bundan tashqari, tomonlar kelgusida Yashil iqlim jamg‘armasiga taqdim etish uchun suv resurslaridan oqilona foydalanish orqali iqlim o‘zgarishi oqibatlarini yumshatish bo‘yicha qo‘shma loyiha taklifini ishlab chiqish imkoniyatlarini muhokama qildilar.

Tashkilot vakillari investitsiya loyihalarini atrof-muhitga zarar yetkazmagan holda amalga oshirish muhimligini ta’kidlab, Navoiy viloyatida yangi muhofaza etiladigan tabiiy hududni barpo etishga ko‘maklashishga tayyor ekanliklarini bildirdilar.

Shuningdek, yig‘ilishda O‘zbekistonning tog‘li hududlarida ekoturizmni rivojlantirish uchun foydalanilmayotgan salohiyatga alohida to‘xtalib o‘tildi va mamlakatimizning tog‘li hududlarida (Qashqadaryo, Jizzax va Namangan viloyatlarida) kanat yo‘llari (teleferik) qurish masalalari muhokama qilindi.

O‘z navbatida, vitse-prezident qurilish loyihasining texnik-iqtisodiy hisob-kitoblarini o‘rganishga tayyor ekanligini ta’kidladi.

Uchrashuv yakunida X.Sheyxruxou yuqorida qayd etilgan masalalar bo‘yicha zarur mutaxassislarni jalb etishga va hamkorlikni yanada rivojlantirish maqsadida ekspert uchrashuvlarini tashkil etishga tayyorligini bildirdi.