Xususan, 29-noyabrdan 30-noyabrga o‘tar kechasi Toshkent viloyati, Qibray tumanida 100 nafar shaxsiy tarkib tomonidan atmosfera ifloslanishiga sabab bo‘luvchi ishlab chiqarish obyektlari, qozonxona va issiqxonalarda yoqilg‘i mahsulotlaridan foydalanish holatini o‘rganish bo‘yicha tungi reydlar tashkil etildi.

Reyd davomida 226 ta issiqxona tekshirilib, quyidagilar aniqlandi:

— 159 ta obyekt issiqxona sifatida faoliyat yuritmaydi;

— 32 ta obyektda isitish tizimi mavjud emas;

— 29 ta obyekt markaziy isitish tizimiga ulangan;

— 1 ta obyekt tabiiy gaz tizimiga ulangan;

— 29 ta obyektda ko‘mirdan foydalanilmoqda;

— 5 ta obyektda o‘tin va boshqa qattiq turdagi yoqilg‘i ishlatilmoqda.

Reyd natijalariga ko‘ra, Qibray tumanidagi 5 ta MFYda 9 ta ko‘mir va o‘tin yoqilg‘isidan foydalanishda ekologik talablarni buzgan issiqxona egalariga ma’muriy chora ko‘rildi. Shuningdek, 1 ta issiqxona faoliyati cheklandi.

Qolaversa, obyekt egalariga amaldagi qoidalar va texnik reglamentlar asosida foydalanish yuzasidan tushuntirish ishlari olib borilmoqda.