O‘zbekiston Respublikasi Ekologiya va iqlim o‘zgarishi milliy qo‘mitasi

Ma’lumot uchun, umumiy qiymati 6,1 mln AQSh dollarini tashkil etuvchi "EcoLand" loyihasi O‘zbekistondagi uchta asosiy klaster landshaftlarda ekotizimlarni tiklash va saqlash bo‘yicha innovatsion kompleks yondashuvlarni kengaytirishga qaratilgan bo‘lib, transformatsion o‘zgarishlarni rag‘batlantirishni ko‘zlaydi.

Ekologiya va iqlim o‘zgarishi milliy qo‘mitasi raisi o‘rinbosari Jusipbek Kazbekov O‘zbekiston ekologik islohotlarga sodiq ekanligini ta’kidladi. 

“O‘zbekiston o‘zining qimmatli landshaftlarini tiklash va bioxilma-xillikni kelajak avlodlar uchun asrashga sodiqdir. Ushbu loyiha ekologik islohotlarimizning muhim bosqichi hisoblanadi”, — u.

BMTTDning O‘zbekistondagi doimiy vakili Akiko Fujii mamlakatning ekologik barqarorlik borasidagi o‘rni oshib borayotganini alohida qayd etdi:

“O‘zbekiston boy bioxilma-xilligi va noyob ekotizimlarini himoya qilish hamda tiklash yo‘lida jiddiy qadamlar tashlamoqda. BMTTD mamlakatning global bioxilma-xillik maqsadlariga sodiqligini qo‘llab-quvvatlayotganidan faxrlanadi. Davlat, fuqarolik jamiyati va xalqaro hamkorlarning birgalikdagi sa’y-harakatlari transformatsion natijalar berib, yosh avlod uchun yanada yashil kelajakni yaratadi”.

IUCN Bosh direktori Gretel Agilar esa  tabiatni tiklash jarayonida ilm-fan va mahalliy hamjamiyatlar ishtiroki muhimligini qayd etdi.

“IUCN O‘zbekistonning tabiatni qayta tiklash bo‘yicha sa’y-harakatlarini kengaytirish, ilmiy bilimlarni integratsiya qilish va tabiatni muhofaza qilish jarayonidan ham atrof-muhit, ham mahalliy hamjamiyatlar manfaatdor bo‘lishini ta’minlashni qo‘llab-quvvatlayotganidan mamnun”.

"GEF-8" Ekotizimlarni tiklash bo‘yicha Integratsiyalashgan global dasturi doirasida loyiha ekotizimlar degradatsiyasi va bioxilma-xillikning yo‘qolishiga olib kelayotgan sabablarni bartaraf etishga qaratiladi. Buning uchun to‘rtta o‘zaro bog‘liq tarkibiy qism birlashtiriladi: yer resurslarini barqaror boshqarish, bioxilma-xillikni muhofaza qilish, iqlim o‘zgarishini yumshatish va mahalliy hamjamiyatlarning inklyuziv ishtiroki.

Ma’lumot uchun, loyiha mamlakatning eng qimmatli va xilma-xil tabiiy landshaftlarini ifodalovchi olti viloyatning o‘nta pilot tumanida amalga oshiriladi: Toshkent viloyati (Parkent va Ohangaron tumanlari), Surxondaryo viloyati (Boysun va Sherobod tumanlari), Qashqadaryo viloyati (Dehqonobod tumani), Navoiy viloyati (Xatirchi va Nurota tumanlari), Samarqand viloyati (Qo‘shrabot va Payariq tumanlari), Jizzax viloyati (Forish tumani).