O‘zbekiston Respublikasi Ekologiya va iqlim o‘zgarishi milliy qo‘mitasi

Ma’lumot uchun: FOLUR loyihasida gender tengligi ustuvor yo‘nalishlardan biri etib belgilangan bo‘lib, xotin-qizlar va erkaklarning yer resurslaridan barqaror foydalanishda teng ishtirokini ta’minlash zarurligi ta’kidlanadi. Loyiha hujjatlarida qayd etilishicha, tabiiy resurslarni samarali boshqarish barcha uchun iqtisodiy imkoniyatlar, bilimlar va qaror qabul qilish vositalariga teng kirish imkoniyati bo‘lgandagina amalga oshadi.

Hozirda Ekologiya vazirligi Gender strategiyasini ishlab chiqish tashabbusini ilgari surmoqda. Ushbu strategiya gender masalalarini davlat siyosatiga, iqlimga oid choralar va institutlar faoliyatiga tizimli ravishda integratsiya qilish imkonini beradi. FOLUR dasturining O‘zbekistondagi tajribasiga asoslangan mazkur tashabbus gender tengligi bo‘yicha xabardorlikni oshirish, maqsadli salohiyatni kuchaytirish va manfaatdor tomonlarning inklyuziv ishtirokini o‘z ichiga oladi.

Sessiya davomida ishtirokchilar bo‘lajak strategiyaning ko‘lami, asosiy yo‘nalishlari va kutilayotgan natijalarni muhokama qildilar. Texnik bo‘linmalar tomonidan hujjat loyihasi uchun asos bo‘ladigan takliflar taqdim etildi.

Ishchi guruhning asosiy vazifalari qatorida FOLUR tajribasini tahlil qilish va qo‘llanilishi mumkin bo‘lgan gender amaliyotlarini baholash, ekologiya sohasidagi ustuvor gender masalalarini aniqlash, strategiyaning maqsad va vazifalari, kutilayotgan natijalari va indikatorlari kabi tuzilmasini kelishib olish, shuningdek, vazifalar taqsimoti va zarur resurslarni belgilagan holda hujjatni ishlab chiqish bo‘yicha kalendar rejani shakllantirish belgilab olindi. Barcha muhokamalar va tavsiyalar Gender strategiyasi loyihasini va gender masalalari bo‘yicha ishchi guruhning ish rejasini tayyorlashda inobatga olinadi.

Birinchi uchrashuv yakuniga ko‘ra, strategiya loyihasini ishlab chiqish uchun aniq yo‘nalishlar va takliflar shakllantirilishi, gender yondashuvining mazmuni va vazirlik faoliyati uchun ahamiyati yuzasidan yagona tushuncha ta’minlanishi, hujjatni tayyorlashning keyingi bosqichlari va muddatlari belgilanib, bildirilgan takliflar hamda milliy miqyosdagi muvaffaqiyatli tajribalar tizimlashtirilishi rejalashtirilgan.